Getxo udaleko alderdi politikoen iritziak eta proposamenak

2018ko Azaroak 29

EAJ - PNV

EAJ-PNV

Getxon Euskaraldia

Egun hauetan EUSKARALDIA kanpaina gozatzen ari gara eta Getxoko udaleko EAJ-PNV taldea eratzen dugunok ere bat egin dugu horrekin. Euskaraldiak planteatu digun erronka 11 egun Euskaraz  aritzea da, norberak ahal duen neurrian, gure ohiko bizitzan, gure eguneroko harremanetan eta  jardueretan Euskara, gure hizkuntza, batzeko, harremanetarako eta lan egiteko erabil dezakegula frogatzeko.

Euskaraldia gizarte-ariketa bat da, ariketa praktiko bat eta bere helburua da ikustaraztea zilegi dela hizkuntza-harremanetan eragitea eta pertsonen hizkuntza-ohiturak aldatzea. Esan dugun bezala, EAJ-PNVk bat egin du euskararen praktika sustatzeko helburu horrekin eta Euskaraldia ekimena sustatzen du gure alderdikideak aktibatzera animatuz eta Ahobizi edo Belarriprest moduan ekimenean parte hartzera gonbidatuz. Eta Getxon baita hirugarren figura batekin ere, bere gizarte balio handiagatik aparteko aintzatespena duena, Irribizi pertsonak, euskara oso gutxi edo ezer ezagutu gabe euren seme-alabak euskaraz ikastera eta bizitzera edo gure hizkuntzan erlazionatzeko gai direnei ohiko eran egitera animatzen dituztenak.

Euskaraldia, 11 egun Euskaraz. Hizkuntza-praktika berriak sustatzen dituzten eta herritarren artean euskararen erabilera areagotzeko testuinguruak sortzeko ekimen garrantzitsua. Baita Getxon ere, gu ere egun hauetan Ahobizi bihurtu garelako eta geure artean euskaraz komunikatzen garelako; edo Belarriprest garelako, ulertu ulertzen dugulako  eta hitz egin ez arren hizkuntza ezagutzen duenak gurekin erabiltzea nahi dugulako; edo, jakina, Irribizi pertsonak, irribarre batekin euskararen erabilera laguntzen dutenak. Eskerrik asko Euskaraldia aukera hau emateagatik, eta abenduaren 3an, Euskararen Nazioarteko Egunean, Romon antolatu den amaierako ekitaldian parte hartuko dugu.

PP

PP

Ez dadila Errekaganeko gaztetxea berri itzuli

PNVk, bere tradizioari jarraituz, ez digu bere asmoei buruzko informaziorik ematen nahiz eta  horiek eraginak eduki Getxoko auzotar guztiengan. Okultismo horretan murgilduta auzotarren bitartez jakin izan dugu Gobernu Taldeak Gaztetxe berri bat eraiki nahi duela  Errekaganen.

Guztiok ditugu gogoan Gaztetxeak auzoan eragiten zituen eragozpenengatiko auzotarren kexak; Gobela ibaian egin ziren obren ondorioz hustu zenean auzotarrek ilusio handiz ospatu zuten. Auzotar horiek parke berde batez gozatzea merezi dute, zabuekin edo Gobelako kiroldegiarekiko jarduera osagarriak dituen alde batekin, edo agian  txakurrak aske paseatzeko aukera emango duen parke batez.

GUK Getxo

40 urteko ohikotasun "ez ohikoa"

Herriko erakundeen maila guztietan, bereziki udaletan,  herritarrengandik hurbilen daudenetan, etenik gabeko 40 urteko aldiak uneren baten gainditu behar dugun   “ohikotasun ezarriaren” kultura sortzen du: “Normala” da nire herrian agintzen dutenek euren bizitzako zati handia politikako profesional moduan igarotzea. “Normala” da dinastia iraunkortzeko senideak eta lagunak kokatzea. “Normala” da enpresa lagunak kontratatzea, horietako zuzendariak proiektu politikoaren finantzatzaile anonimo bihur daitezen. “Normala” da enpresa eta organismo publikoen sare zabala jauzi egiteko koltxoia izatea, alderdikideen paradisua. “Normala” da erakundeak, batez ere erakunde autonomoak eta enpresa publikoak, batzuetan oso  monarkikoa den on-puskaren itxurako presidentzialkeriaz kudeatzea. Hain da “normala” ezen funtzionatu egiten duen eta oso ondo funtzionatzen duela ikustarazten diguten. Horregatik ez dugu kontrol-mekanismorik behar, ezta ustelkeriaren aurkako fiskaltzarik ere. Onena, jakina,  zeurea konpontzen lagunduko dizuten kontaktuak edukitzea da.  Gaur egun “normaltzat” jotzen dugun hori guztia iragan errepika-ezin moduan epai dezakegu demokraziak harrapatuko gaituen neurrian eta gure geure burua gizarte moduan gaindituko dugunean. GUKekoek,  egunera  arte bezala, gure aldeko epaitegietako etenik gabeko  ebazpenak gorabehera, aldaketaren aurkako inertzia horietatik askatuz,  egunera arte bezala demokrazian sakontzeko urratsak ematen jarraituko dugu.

EH Bildu

EH BILDU

Herritarren parte hartze erreala

Getxoko herritarrok eta elkarteek udal-bizitzan eragin eta parte hartzeko eskubide osoa daukagu. Getxon, zoritxarrez oraindik bide luzea geratzen zaigu parte hartzea errealitate bihur dadin. Horren adibidea da: herritarrek udalbatzetan hitz egiten dutena aktetan ez da jasotzen edo mozio bat aurkezteko  alderdi politiko baten bitartez egin behar izatea. Herri honetan herritarren parte hartzea erreala izan dadin, Udaletik mekanismoak ezarri behar dira. Horregatik, Artezkaritza Batzordeen estatutuen aldaketa proposatu dugu,  herritarren parte hartzea bertan posible izan dadin, orain arte ez bezala. Jakin izan dugu herriko elkarte ezberdinek parte hartzearen aldeko herri-adierazpena egin dutela udal bizitzan era aktiboan parte hartzeko eskakizuna eginik. Hala, herritarren parte hartze erreala aldarrikatzeko asmoz, parte hartzearen inguruko mahai-ingurua antolatu dugu abenduaren 11n, Romoko Nagusien Etxean 19:00etan. Bertan Oñati,  Plentzia eta Getxoko parte hartzearen inguruko esperientziak ezagutzeko aukera izango dugu.

PSE-EE / PSOE

Azaroak 25

Urtero azaroaren 25ean, Emakumeen Aurkako Indarkeria Ezabatzeko Nazioarteko Egunean, egiten dugun bezala, gure gizartean era askotako intentsitate eta onespen-graduekin gertatzen diren indarkeria-egoera guztiak gogorarazi nahi ditugu.
Jakin dakigu indarkeria matxisten abiaburu nagusiak  desberdintasuna eta bereizkeria direla eta, horregatik, uste dugu funtsezkoa dela hezkuntzaren, komunikazioaren eta osasunaren arloetan gizarte osoa sentiberatzea eta prebentzioz jokatzea. PSOE horretan hasita dago Genero Indarkeriaren Aurkako Babes Integraleko Neurriei  buruzko Legearen bidez. Baina, batzuetan, zoritxarrez indarkeria dagoeneko gertatu den kasuetan, oso garrantzitsua izaten da Udalek biktimari arreta eskaintzeko, biktima hori laguntzeko eta horri abegia emateko bete behar duten lana, gizarte zerbitzuetan laguntza sozial integrala eskainiz. Horregatik Sozialisten Udal Taldeak bizirik irauten duten emakumeen sentsibilizazio, lehengoratze eta ahalduntzearekiko gure konpromisoa berretsi nahi du. Gu ere. Nosotras también. 

Cs

Edukiontziez eta hauteskundeez

Oraintsu, 2018ko Parte-hartze Izaerako Aurrekontuetan botorik gehien atera duen proposamen moduan, Gobernu Taldeak iragarri zuen edukiontziak aldatzen zirela pertsonekiko irisgarritasuna hobetzeko. Beste era batera esanda, beharrezkoa izan da: bi urte igarotzea, Mozioak Osoko Bilkuran, eztabaidak hondakinen foroan, auzotarrek gehien botatu duten proposamena izatea, auzotarren kexak… gaizki egin zutela konturatzeko. Galdera hau daukagu: pertsonentzat irisgarritasuna hobetzea? Bi urte egin dituzte hori bermatuz. Pedala maiatzerako egongo da? seguruenik, udal hauteskundeak direlako. @CsGetxo

Hemeroteka

Abisu Horia

.

Osteguna, hilak 13:

- Itsasaldeko arriskuagatik: Nabigazioa lehenengo bi milietan 12etatik 24etara
- Haizeagatik haizeguneetan kostaldean 12etatik 24etara
- Itsasaldeko arriskuagatik: Kostaldeko kalteak 19etatik 22etara

Ostirala, hilak 14:
- Itsasaldeko arriskuagatik: Nabigazioa lehenengo bi milietan 00etatik 24etara

  • Rss
  • Youtube
.
Udaltzaingoa 94 466 0202
  • Parking
  • Parking adaptado
  • Parking carga y descarga
Esta web utiliza cookies, puedes ver nuestra política de cookies, aquí Si continuas navegando estás aceptándola
Política de cookies +